Akelapan

Kehne ko ek ehsaas akelepan kaa hai logon ko
Kehne ko ek ehsaas akelepan kaa hai logon ko,
Par koi akela h kahan.
Socho tou dimaag ki gustakhi h ye,
Aur naa socho tou har dum saath hazaro ehsaas hain.

Bachpan ki pehli yaadon se ek tasveer mann me aati h,
Maa k aanchal sang papa ki hasi mann me chapp jaati h.
Sharaartein wo khatti meethi jo bhai behen k sang mil k hui,
Aur wo kahin unkahein lavz jo unki aankhein keh gyi.

Akelapan kya h... Hai kis kamzori ka naam!!
Kya kuch anjaane logo ka saath kaafi hai dil ko behlaane k liye??
Socho tou akele ho tum aur naa socho tou bhari duniya saath h tumhare,
Bas mann k kono me darr ek hai, shayad jakde hue charo aor se.
Kyun unn logo k saath ki umeed karte ho jo tumhare saath k kabil nahi,
Naa ehsaas unhe h tumhare dil ka,
aur na guftgoo kaa jo ho rahi tumhare dimag me kahin.
Jo shabdo ko nahi samajh sakte,unse unkahein ehsaas samajhne ki umeed karte ho!!
Ae moorkh dil, aur akelepan ki baat bhi karte ho, aur akelepan ki baat karte ho...

Door baithe tumse wo chand log,jinki awaz aaj bhi unke dil ka haal bayan karjaati h,
Jude h dil k taar tumhaare unse, bas ek hasi hi kaafi hai.
Unn logon k sang wo hazaro lamhe aur ek ehsaas anjaana sa,
Jo kahin aur naa mil pae aapko,meetha sa pyaara sa.
Fir bhi tum akelepan ki baat karte ho,
fir b tum akelepan ki baat karte ho....!!!